Kisting otashi vulika a ya ku Europa

MENINDJELA gwOmbaanga ya Standard po Rundu, Henry Kisting, ngoka ta fekelwa kutya okwa yaka oshimaliwwa oshindji mOmbaanga ndjika, ota ku popi kutya otashi vulika e li ku Europa.

Otaku popiwa kutya Kisting okwa fadhukapo konima sho a tumine iimaliwa yomwaalu gwoodola pokati koomiliona ndatu sigo ntano komapungulilo moombaanga dhopondje. Shika otaku kundanekwa eshi ningi uule wethimbo lyaashiwike. 

Uukengeleli wa Kisting mbuka owa ndhindhilikwa ashike konima sho ye a kana po. 

Nopethimbo ndyoka shoka shika sha dhimbululwa omufekelwa ka kwali pu shiwike  mpoka eli.Metitatu omukuluntu gwomalanditho, Taddius Maswahu okwa tindi oku gandja uuyelele kombinga yoshinima shika sha kakamitha oshikondo shoombaanga.

Maswahu okwa ti iinima ngaashi shoka oyo iinima yomeni lyombaanga, ndele ngele osha fa shi li pomuthika gwiikulumuna nena shika iilonga yopolisi.Sho a pulwa kutya Kisting okwa tameke uunake nuufuthi we, na oshike tashi ningwa po oku keelela oshingwanima ngaashika monakuyiwa , Maswahu okwa ti, ye ita vulu okugandja omauyelele ogendji kushika. 

Okwa ti aaniilonga mboka haya pogola ngeyi oha ya longwa nayo kehangano pamilandu dha lyo eta ya ungaungwa nayo.Etiyali opolisi mokana ka Angula Amulungu oya koleke oshinima shika, ndele oya tile oshinima oshi li pethimbo ewinayi ndyoka inaa li pumbwa okupopyapopya.  

Okwa ti ngele opolisi oya gandja uuyelele owindji shika otashi piyaganeka omakonakono gopolisi, a ti omufekelwa oku li pondje yoshilongo na ngele otwa gandja uuyelele owindji ota kala eshi onkatu ndjoka ta yi landula okumukonga.

Okwa indile Kisting iigandje yemwene.

---