Euliko lyiimuna mo 2011

OMAULIKO gokomumvo giipindi ga Ngwediva otaga ka kala nomauliko giimuna gopaithano omumvo ta gu ya.

Omunambelewa omukuluntupitithi gwaNgwediva, Damian Egumbo okwa lombwele Nampa ta ti OATF oya mono ekwashilipaleko lya za kehangano lyonyama lya Namibia[MEATCO], ndika otali ka kwathela mokuhumitha komeho omauliko giimuna momauliko giipindi yomumvo 2011. Omauliko gonuumvo gaNgwediva oga hulu osoondaha ya yi konima yokukala moshilando shoka uule womasiku omulongo.Omauliko giipindi ngaka oga li haga kala niimuna ta yi ulikwa okuza omumvo 2000 ,ndele ngaka kaga li haga ningwa paithano no ka ga li taga mbilipaleke aaniimuna mboka ya li ya ulike iimuna yawo, uuna inaa ya mona ekwatho nkene yo ta ye shi ningi, osho Egumbo a ulike.Egumbo okwa ti ngashingeyi sho pena ekwathelo lya Meatco, aaniimuna ota ya ka mona uuwanawa owindji oshoka ota ya kwathelwa kehangano ndika nkene taya longo opo ya mone uuwanawa oku za momaulikilo ngaka ga Ngwediva omumvo 2011.

---