Omulonga gwOrange

AANAFAALAMA yokutekela pomunkulo gwomulonga gwaOrange oya tila kombinga yeitumbo lyomeya pomukunda gwa Noordoewer.

Uuwindji womeya momulonga owa tameke okuiindjipala sha landula sho omeya ga pombwa okuza moondama dha Vaal na Bloemhof moSouth Africa, ngoka ga thiki poNoordoewer oshiwike sha yi.
Omulonga ogwa li nomeya omale okuuka pombanda noometa hamano poNoordoewer mosoondaha, pahokololo lya, Nico van der Merwe gwuunamapya wa Sonop.
Van der Merwe okwa ti uule womeya owa tegelelwa wu ye pombanda sigo opomuthika gwoometa 7,8, ndele ina pa tegelelwa andola efundja.
“Otwa tseyithilwa kutya omulonga gwOrange poshilando shUpington ogwa adha omuthika gwago gwopuule mehuliloshiwike,” van der Merwe a ti.
Okwa ti omeya gefundja oga thiki pehala lyomavululukilo lya Abiqua River Camp, ndyoka lili komunkulo gwomulonga.Ehala lyokukala nondunda oshona oyi li momeya, ndele okefe nuundjugo ina wu ya momeya natango.

---