Iyambo a monika ondjo

OMPANGU yoshitopolwa ya Swakopmund oya mono komufala gwopevi gwopolisi moshitopolwa shErongo ondjo.

Mengestrata, Gaynor Poulton okwa ti, komufala gwopevi, Andrew Iyambo oku na ondjo yoku indila iimaliwa pambelewa, e shingi a pitile muudhano waapolisi mboka wa li ko kOtjiwarongo mu Aguste 2006, ndele mbika okwe yi longitha okulanda omatayela gosheenditho she koodola 6 120.
Okwa pewa egeelo lyokufuta oodola omayovi 8 000 nenge a kale mondholongo uule womvula yimwe.
Pahapu dhomupopiliko gwopolosi, komufala gwopevi, Hofni Hamufungu, egeelo ndyoka lya pewa, Iyambo sho a monika ondjo ota shi vulika shi fale sigo oompoka a kanithe iilonga metanga lyopolisi.
Oshikondo shokukonakona shopolisi otashi tula po ongundu yokukonakona opo yi tokole kombinga yonakuyiwa ya Iyambo, metanga lyomiya dhashinana.Okwa ti Omutaleli Omukuluntu gwopolisi, Leitenanda Ndjai, Sebastian Ndeitunga oye ena ohapu ya hugunina okutya kombinga ya Iyambo.
O The Namibian oya tseyithilwa kutya, Iyambo okwa tegelelwa a kale miilonga ongo omutiyali pakugandja omalombwelo mopolisi yErongo okuza Omaandaha sigo , uuna ndoka pwa ningwa elunduluko.
Pethimbo lyoshipotha she,Iyambo okwa li iipatana shoka a li ta tamanekelwa. A ti ye ke na ondjo moshipotha shekotokelo, a ti ye okwa li eshi eindilo lye a kwathwe oshimaliwa olya li lyu uvitikeko kehangano lyokukwata oohi lya Namsov.
Komufala, Hubert Mootseng omukuluntu gwoshikondo shokuzula noshowo, hoka ha ku falwa omanyenyeto okwa lombwele ompangu kutya, Iyambo okwa li e na oku pewa epitikilo okuza komukuluntu gwopolisi, ndjai , Ndeitunga opo a vule oku indila oshimaliwa, shika aniwa inashi ningwa.
Mengestrata, Poulton okwa ti, Iyambo okwa goyokitha oshili, sho a nyolele Namsov kutya okwa pumbwa iiparte yasimana yosheenditho she, okushitalela muudhano mboka wu li kOtjiwarongo, na iimaliwa mbika oyina okufutilwa mokambo komaudhano kopolisi yomoshitopolwa shErongo.
Okwa ti, Iyambo okwa hokolola ehokololo lyiifundja, omanga oombangi hamano ndhoka dha popileko epangelo, omahokololo gadho oga li guukilila, gopaushili, noshowo gayela nomahupi.
Poulton okwa ti onkalo ndjoka ya nayipike oshinima oondjika kutya ,Iyambo omunambelewa gwopolisi, ngoka a li ena oshinakugwanithwa eshi inekelelwa, ndele ye okwa nkundipaleke einekelo ndika lyoshigwana muye, noshowo einekelo lyawilikwa ye muye.
“Ndika epogolo enene, na unene tuu sho aanambelewa yokukwatelapo ompango nelandulathano oyo ye na oku longa ta ya gandja oshiholelwa oshaanawa.Omukwashigwana kehe okwa tegelela aapolisi yi ihumbate nawa mokusimaneka oompango.