OSHIWAMBO -
| 2013-08-12Muheua i indile ku simanekwe aaniilonga ngaashi
OSHA PWA NEE NGASHINGEYI ... Methano ndika otamu monika omupeviminista guuministeli wu na sha nonkalonawa miilonga Alpheus Muheua (e li moshuta) pethimbo a yile a ka otokonone okwaatsakumwe hoka kwa kala pokati komunafalaama Frikkie Engels nomuniilonga gwe David Britz. Muheua okwi indile ku simanekwe aaniilonga nokwi iyuthwe wo kooveta okomalandulathano giilonga ngoka ga tulwa po moshilongo.
Photograph by Henry Van Rooi
OMUPEVIMINISTA moshikondo shi na nonkalonawa yiilonga moshilongo omusimanekwa Alpheus Muheua okwa kundanekwa a kwathele lela omukwashigwana gwokoDordabis opo a pewe omaliko ge mwa kwatelwa nee iimuna mbyoka ya li a kuthwa kwaangoka a li e mu pa iilonga nale.
Muheua okwa kundanwa a li a talelepo ofalaama yedhina Lauwater Suid yaFrikkie Engels koDordabis mEtitatu lyoshiwike sha piti a ka potokononene okwaatsakumwe hoka kwa kala po pokati kaEngels ngoka kwa kundanekwa a kala a tindila iikombo yi li omulongo niitatu, oondongi dhi li ndatu osho wo nee onkambe yimwe yaDavid Britz.
Muheua ngoka kwa kundanekwa a thindikililwe kofalaama hoka kukaansela gwoshitopolwahogololo shoka shaDordabis, kaanambelewa yamwe po yetanga lyopolisi yaNamibian nosho wo komuinspekta e na sha nonkalonawa miilonga okwa londodha aagandji yiilonga yi ihumbatele aaniilonga yawo nesimaneko.
“Atuheni aantu ashike, itandi ti nee olye naanaa a puka pashiningwanima shika ashike sho nda konakona ekwatathano pokati kaagandji yiilonga naaniilonga yawo ka li li naanaa nawa.
Onkene nee nde ya ngeyika oku uva ombinga yehokololo lyomugandji gwiilonga kutya onomatompelo geni naanaa e na okutindila iikwaliko yaBritz shaashi paveta shoka inaashi taambiwa ko”, Muheua osho a yelitha ngawo nokwi indila ngaa aagandji yiilonga ya kale nomakwatathano omawanawa naaniilonga yawo.
“Oshinima shimwe po nda hala okutsa omuthindo osho shoka kutya pakatendo 28 (5) koveta yi na sha niilonga oku ulika sha yela mo kutya omuniilonga ngoka ta ti okwa tidhwa miilonga shaa li ngaa nee nawa nokwa fala uupyakadhi we mboka komukomishina ngoka e na sha nonkalonawa miilonga oku na uuthemba okukala mehala lyaangoka e mu pa iilonga sigo ethimbo ndyoka shoka tashi ka kala sha potokononwa nawanawa”, Muheua osho a yelitha ngawo.
David Britz okwa ti miilonga ina lalekwa mo sha yela oomwedhi heyali dha pita po konima sho a longa pofalaama ndjoka yaEngels omimvo dha adha omulongo na ina kala hi ihumbatelwa pantu pofalaama oyo tuu ndjoka. “Osha tamekele ashike sho nde etele po edhiladhilo kutya oonkwandambi (oongombe) nadhi topolwe moshigunda shaashi ongame nda li omuwiliki koshikondo shoongombe.
Okwa kala ta ti (Engels) ondi ishi nda kotoka nonda gwegwembela ( ano a thaatela) noonkondo.
Okwa li a hala okukwata ndje nokudhenga ndje ashike onda fadhukilepo. Okwa tidhile ndje megumbo nokulombwela ndje ndi kale tandi ilopota kuye ethimbo lyongula nopethimbo wo lyomutenya pwaa na ondjambi nenge anuwa ndi ka shaine ombapila kutya ondi ihumbata nayi sho osho nee she e ta ndi pulwe ndi kale nda thiga po ofalaama ndjoka.
Britz okwa kundanekwa okuza mpoka a ka lopota shoka kukaansela gwoshikandjohogololo shaDordabis ngoka a kwathele ndje nee ndi patululile Engels oshipotha shi na sha nonkalonawa miilonga ngaaka. Britz okwa tsikile ta ti oku na ofamili ndjoka ya tala ashike muye nokwa ka konga iilonga yilwe shaashi Engels ina kala we he mu futu.
“Sho nda galuka ndi ile ko iikwaliko yandje okwa ningile ndje omatilitho noku pa ndje iikwaliko yandje ayihe. Okwa lombwele ndje ta ti tango nandi ka kuthe mo oshipotha shi ya nd mu tulila mo shi na sha nonkalonawa miilonga opo nawa ndi ile ko iimuna yandje nosho tuu.
Oshikando oshitiyali nda ka ya ko onda yi ko nekwathelo lyomuinspekta e na sha niilonga okuza kuuministeli wu na sha nonkalonawa miilonga gwedhina Dionysius Louw ihe natango Engels okwa tindile iikwaliko yandje nokutsikila natango ta ningile ndje omatilitho osho wo Louw”, Britz osho a yelitha ngaaka.
Engels okwa ti ina tindila iikwaliko yaBritz oku yi kutha mo mofalaama ye moka. “Shoka te vulu okutya ngashingeyi osho owala kutya kadhi shi dhoshili kutya onda tinda okugandja iikwaliko yaBritz. Pathimbo ndyoka twa li tu uvathana nayo halyo we ye ke ya, oye ke ya kwa toka nonda li ndi na shilwe okuninga, ashike ota vulu oku kutha mo iinima ye”, Britz naye osho a yelitha ngawo.
Okwa gwedha po wo kutya ita vulu okupopya odhindji shaashi shoka otashu ungaungwa nasho kompangu yi na sha nonkalonawa miilonga. Britz ngoka kwa kundanekwa a li lela a nyanyukwa sho a pewa iikwaliko ye okwa ti okwa kumwa opu na ashike iikombo ihamano naaniilonga ooyakwawo oya ti ka ye shi kutya iikwawo oyi li naanaa peni.
Britz iimuna ye ina vula anuwa oku ya nayo oshoka okwa pumbwa ombapila okuza koshikondo shuuhaku wiimuna opo nee a vule oku ya nayo.
Muheua ngoka kwa kundanekwa a thindikililwe kofalaama hoka kukaansela gwoshitopolwahogololo shoka shaDordabis, kaanambelewa yamwe po yetanga lyopolisi yaNamibian nosho wo komuinspekta e na sha nonkalonawa miilonga okwa londodha aagandji yiilonga yi ihumbatele aaniilonga yawo nesimaneko.
“Atuheni aantu ashike, itandi ti nee olye naanaa a puka pashiningwanima shika ashike sho nda konakona ekwatathano pokati kaagandji yiilonga naaniilonga yawo ka li li naanaa nawa.
Onkene nee nde ya ngeyika oku uva ombinga yehokololo lyomugandji gwiilonga kutya onomatompelo geni naanaa e na okutindila iikwaliko yaBritz shaashi paveta shoka inaashi taambiwa ko”, Muheua osho a yelitha ngawo nokwi indila ngaa aagandji yiilonga ya kale nomakwatathano omawanawa naaniilonga yawo.
“Oshinima shimwe po nda hala okutsa omuthindo osho shoka kutya pakatendo 28 (5) koveta yi na sha niilonga oku ulika sha yela mo kutya omuniilonga ngoka ta ti okwa tidhwa miilonga shaa li ngaa nee nawa nokwa fala uupyakadhi we mboka komukomishina ngoka e na sha nonkalonawa miilonga oku na uuthemba okukala mehala lyaangoka e mu pa iilonga sigo ethimbo ndyoka shoka tashi ka kala sha potokononwa nawanawa”, Muheua osho a yelitha ngawo.
David Britz okwa ti miilonga ina lalekwa mo sha yela oomwedhi heyali dha pita po konima sho a longa pofalaama ndjoka yaEngels omimvo dha adha omulongo na ina kala hi ihumbatelwa pantu pofalaama oyo tuu ndjoka. “Osha tamekele ashike sho nde etele po edhiladhilo kutya oonkwandambi (oongombe) nadhi topolwe moshigunda shaashi ongame nda li omuwiliki koshikondo shoongombe.
Okwa kala ta ti (Engels) ondi ishi nda kotoka nonda gwegwembela ( ano a thaatela) noonkondo.
Okwa li a hala okukwata ndje nokudhenga ndje ashike onda fadhukilepo. Okwa tidhile ndje megumbo nokulombwela ndje ndi kale tandi ilopota kuye ethimbo lyongula nopethimbo wo lyomutenya pwaa na ondjambi nenge anuwa ndi ka shaine ombapila kutya ondi ihumbata nayi sho osho nee she e ta ndi pulwe ndi kale nda thiga po ofalaama ndjoka.
Britz okwa kundanekwa okuza mpoka a ka lopota shoka kukaansela gwoshikandjohogololo shaDordabis ngoka a kwathele ndje nee ndi patululile Engels oshipotha shi na sha nonkalonawa miilonga ngaaka. Britz okwa tsikile ta ti oku na ofamili ndjoka ya tala ashike muye nokwa ka konga iilonga yilwe shaashi Engels ina kala we he mu futu.
“Sho nda galuka ndi ile ko iikwaliko yandje okwa ningile ndje omatilitho noku pa ndje iikwaliko yandje ayihe. Okwa lombwele ndje ta ti tango nandi ka kuthe mo oshipotha shi ya nd mu tulila mo shi na sha nonkalonawa miilonga opo nawa ndi ile ko iimuna yandje nosho tuu.
Oshikando oshitiyali nda ka ya ko onda yi ko nekwathelo lyomuinspekta e na sha niilonga okuza kuuministeli wu na sha nonkalonawa miilonga gwedhina Dionysius Louw ihe natango Engels okwa tindile iikwaliko yandje nokutsikila natango ta ningile ndje omatilitho osho wo Louw”, Britz osho a yelitha ngaaka.
Engels okwa ti ina tindila iikwaliko yaBritz oku yi kutha mo mofalaama ye moka. “Shoka te vulu okutya ngashingeyi osho owala kutya kadhi shi dhoshili kutya onda tinda okugandja iikwaliko yaBritz. Pathimbo ndyoka twa li tu uvathana nayo halyo we ye ke ya, oye ke ya kwa toka nonda li ndi na shilwe okuninga, ashike ota vulu oku kutha mo iinima ye”, Britz naye osho a yelitha ngawo.
Okwa gwedha po wo kutya ita vulu okupopya odhindji shaashi shoka otashu ungaungwa nasho kompangu yi na sha nonkalonawa miilonga. Britz ngoka kwa kundanekwa a li lela a nyanyukwa sho a pewa iikwaliko ye okwa ti okwa kumwa opu na ashike iikombo ihamano naaniilonga ooyakwawo oya ti ka ye shi kutya iikwawo oyi li naanaa peni.
Britz iimuna ye ina vula anuwa oku ya nayo oshoka okwa pumbwa ombapila okuza koshikondo shuuhaku wiimuna opo nee a vule oku ya nayo.
