OSHIWAMBO -
| 2013-08-07Oofalaama kErongo otadhi nana nondatu molwenota
OKWA kundanekwa ofalaama dha adha pomilongo mbali koshikandjohogololo shaDaures koshitopolwa shErongo tadhi longo lela nuudhigu shaashi anuwa omithima nayilwe hayi kala omeya oya pwina nale. Okwa kundanwa yamwe yomaanafaalama ya kala ethimbo nethimbo taya nyolele kaansela gwoshitopolwahogololo shoka Ernst Katjiku taye mu tseyithile kombinga yonkalo ndjoka ondhigu noonkondo koofalaama dhawo hoka. Kaansela gwoshitopolwahogololo shoka shaDaures Ernst Katjiku okwa zimine lela koshifo shoThe Namibian kutya komudhingoloko ngoka shili oku na oofalaama dhimwe po dha dhengwa kenota naashika okwa kundanekwa sha kala ngaa nee ethimbo ngashingeyi. Katjiku okwa ti oofalaalama dhimwe kaa dhi na omeya shili ashike dhimwe odhi na ngaa nonando okwa ti ngaa omeya gamwe inago opala okulongithwa kaantu. Kaansela okwa ti oofaalama odhi li momusholondondo gwaamboka taya ka mona omauwanawa okupitila mehangano lyoNamibian-German Special Initiative Programme (NGSIP) ndyoka lyu ulika lela ehalo okugandja oshimaliwa okumboola ko oomboola dhomwaalu gwontumba koshikandjohogololo shoka. “NGSIP ote ke ya kwathela ashike ombelewa yandje kayi shi kutya iilonga mbyoka otayi ka tameka naanaa lela uunake”, Katjiku osho a yelitha ngawo.
Gumwe gwomaanafaalama mboka ya gumwa lela konkalo ndjoka yenota Siegfried //Geiseb gwokoPost Number 54 koKudubis ndjoka yi li ookilometa omilongo ne nantano pondje yondoloopa yaUsakos okwa ti oofalaama adhihe dhopomudhingoloko otadhi nana lela nondatu molwenota. //Geiseb okwa ti omukundu ngoka gwenota ogwa zi lela nale noonkondo na osho gwa kala ngaaka uule woomvula dha adha omulongo nantano lwaampoka nonando nee a longitha N$3,000 omimvo ndatu dha pita po ngashingeyi okwoopaleka omuthima gwe gwomeya. “Ohatu fala iimuna ye koPost 3 yi li ookilometa hetatu okuza pofalaama yetu kehe esiku opo tu mone omeya”, //Geiseb a ti ngawo. Okwa ti wo omeya ngoka ge li koPost 3 inaga yela okulongithwa kaantu onkene aanafalaama ohaye ende natango ookilometa hetatu dh a gwedhwa po oku ya koTsourob ya ka tale omeya. “Omukundu nguka gwenota otagu teya lela aanafalaama omukumo ngaashi tse. Ohatu kambadhala ngaashi tatu vulu notwi inekela omukundu nguka otagu kandulwapo mbala”, //Geiseb osho a ti ngawo. Omunambelewa gwoNGSIP e na nomakwatathano Martin Tjituka okwa ti oprojeka yoshimaliwa shi thike poomiliona N$47 yokugandja omayakulo gomeya otayi ka tulwa miilonga miikandjohogololo ya adha 12 shaashi otenda oya gandjwa nale nokuli. Tjituka okwa ti NGSIP okwa mana nale okwoopalekulula oomboola dha adha omilongo ne monkatu yonkatu omanga dhi li omilongo hetatu kwa tegelelwa dhi ka kale wo dho opalekululwa monkatu ontiyali yiilonga mbyoka.
Gumwe gwomaanafaalama mboka ya gumwa lela konkalo ndjoka yenota Siegfried //Geiseb gwokoPost Number 54 koKudubis ndjoka yi li ookilometa omilongo ne nantano pondje yondoloopa yaUsakos okwa ti oofalaama adhihe dhopomudhingoloko otadhi nana lela nondatu molwenota. //Geiseb okwa ti omukundu ngoka gwenota ogwa zi lela nale noonkondo na osho gwa kala ngaaka uule woomvula dha adha omulongo nantano lwaampoka nonando nee a longitha N$3,000 omimvo ndatu dha pita po ngashingeyi okwoopaleka omuthima gwe gwomeya. “Ohatu fala iimuna ye koPost 3 yi li ookilometa hetatu okuza pofalaama yetu kehe esiku opo tu mone omeya”, //Geiseb a ti ngawo. Okwa ti wo omeya ngoka ge li koPost 3 inaga yela okulongithwa kaantu onkene aanafalaama ohaye ende natango ookilometa hetatu dh a gwedhwa po oku ya koTsourob ya ka tale omeya. “Omukundu nguka gwenota otagu teya lela aanafalaama omukumo ngaashi tse. Ohatu kambadhala ngaashi tatu vulu notwi inekela omukundu nguka otagu kandulwapo mbala”, //Geiseb osho a ti ngawo. Omunambelewa gwoNGSIP e na nomakwatathano Martin Tjituka okwa ti oprojeka yoshimaliwa shi thike poomiliona N$47 yokugandja omayakulo gomeya otayi ka tulwa miilonga miikandjohogololo ya adha 12 shaashi otenda oya gandjwa nale nokuli. Tjituka okwa ti NGSIP okwa mana nale okwoopalekulula oomboola dha adha omilongo ne monkatu yonkatu omanga dhi li omilongo hetatu kwa tegelelwa dhi ka kale wo dho opalekululwa monkatu ontiyali yiilonga mbyoka.
