OSHIWAMBO -
| 2013-08-07Yu uvitha nayi mee Angala, sho ya tetagula po omiti dhe nayi
AANIILONGA yehangano lyaaChina mboka taya nenepeke ondjila pokati kOshakati nOngwediva okwa kundanekwa ya kala kaa yi iyuvite namwene gwoshikunino shedhina kuku gwaKondo konima sho ya tetagula po omiti moshikunino she moka nokushihanagula po ngaaka.
Oshikunino shoka okwa kundanwa shamee Emilia Angala nokwe shi lukila nee nakusa meekulu gwaKondo, meme gwomukokolipresidende tatekulu Sam Shafiishuna Nujoma. Angala okwa kundanekwa kaa li nando a nyanyukilwa iilonga mbyoka ya longwa poshikunino she kaaniilonga yehangano lyedhina China Henan International Cooperation Group Namibia mboka ya pewa okondalaka koRoads Authority (RA) ya nenepeke ondjila pokati nee kOshakati nOngwediva. Mee Angala okwa ti omiti dhomoshikunino she odha tetagulwa nayi pwaa na epitikilo lye nokwa kundanekwa okwe enda kwiihauto kwa kala ngaa nee kwaa li nawa sigo opolisi ye ya ngaa yi tule po elandulathano nonkalo opo nee anuwa ya ka galukila kuuwanawa. Omuniilonga gumwe gwomehangano ndyoka lyaaChina ngoka inaa hala kwa li okutumbulwa kedhina okwa ti oya pewa epitikilo ya hanagule po oshikunino shoka kumwene gwasho na okwa futwa anuwa nale oshimaliwa she koRoads Authority (RA) shi thike N$300,000.
“Oye e tu lombwele tu tete po omiti”, omuniilonga osho a yelitha ngawo ashike mee Angala ina zimina shoka kutya okwa pewa oshimaliwa shi na sha nehanagulopo lyoshikunino she shoka. “Inandi futwa nando osha koRoads Authority (RA) ashike oyu uvaneka ndje kutya otaya ka futa ndje”, mee Angala osho wo a yelitha ngawo. “Otaya ka teta po omiti ngiini ngawo kaa ndi shi shi ngashingeyi oya hanagula po omiti dhandje nayinayi ngawo”, mee Emilia osho a tumbula ngawo molwiilonga mbyoka a longelwa kaaniilonga nehangano ndyoka lyaaChina. Mee Emilia Angala okwa ti oopala dhe odha hanagulwa po nopolisi oya li tayi kambadhala oku mu kwata po sho e ya poshikunino she mpoka konima sho ya yakelwa ko anuwa kaakwashigwana. Okwa ti (mee Angala) okwa shainine etsokumweuvathano nomuwiliki gwoRoads Authority (RA) Conrad Lutombi mEtitano lya zi ko mOshakati shi na sha nee nokufutwa kwe ngaaka molwoshipambu nee shimwe shoshikunino shoka nee sha hanagulwapo. Omupopiliko gwoRoads Authority Hileni Fillemon ina gandja naye uuyelele womuule moshinima muka nokwa ti ashike otapu ka ningwa oshigongi niikundaneki kuyele. Omupopiliko nee gwelelo lyondoloopa yaNgwediva Andreas Utoni okwa ti elelo ka lya li nando okashona oshitopolwa shoonkundathana pokati kameme Angala noRoads Authority (RA) na ka ye shi shi ngele okwa futwa nenge ina futwa. Omwedhi gwa zi ko okwa lopotelwe kutya mee Angala okwa li andola ta pewa N$3,000 kehangano ndyoka lyaaChina ashike okwa li e yi tindi. Okwa kundanekwa mu na omiti odhindji moshikunino shameme Angala moka nokwa li nee ta pula anuwa a futwe oshimaliwa shi thike N$10,000 komuti kehe gwaa shi gwiiyimati osho wo N$15,000 kwaandhoka nee dhiiyimati.
“Oye e tu lombwele tu tete po omiti”, omuniilonga osho a yelitha ngawo ashike mee Angala ina zimina shoka kutya okwa pewa oshimaliwa shi na sha nehanagulopo lyoshikunino she shoka. “Inandi futwa nando osha koRoads Authority (RA) ashike oyu uvaneka ndje kutya otaya ka futa ndje”, mee Angala osho wo a yelitha ngawo. “Otaya ka teta po omiti ngiini ngawo kaa ndi shi shi ngashingeyi oya hanagula po omiti dhandje nayinayi ngawo”, mee Emilia osho a tumbula ngawo molwiilonga mbyoka a longelwa kaaniilonga nehangano ndyoka lyaaChina. Mee Emilia Angala okwa ti oopala dhe odha hanagulwa po nopolisi oya li tayi kambadhala oku mu kwata po sho e ya poshikunino she mpoka konima sho ya yakelwa ko anuwa kaakwashigwana. Okwa ti (mee Angala) okwa shainine etsokumweuvathano nomuwiliki gwoRoads Authority (RA) Conrad Lutombi mEtitano lya zi ko mOshakati shi na sha nee nokufutwa kwe ngaaka molwoshipambu nee shimwe shoshikunino shoka nee sha hanagulwapo. Omupopiliko gwoRoads Authority Hileni Fillemon ina gandja naye uuyelele womuule moshinima muka nokwa ti ashike otapu ka ningwa oshigongi niikundaneki kuyele. Omupopiliko nee gwelelo lyondoloopa yaNgwediva Andreas Utoni okwa ti elelo ka lya li nando okashona oshitopolwa shoonkundathana pokati kameme Angala noRoads Authority (RA) na ka ye shi shi ngele okwa futwa nenge ina futwa. Omwedhi gwa zi ko okwa lopotelwe kutya mee Angala okwa li andola ta pewa N$3,000 kehangano ndyoka lyaaChina ashike okwa li e yi tindi. Okwa kundanekwa mu na omiti odhindji moshikunino shameme Angala moka nokwa li nee ta pula anuwa a futwe oshimaliwa shi thike N$10,000 komuti kehe gwaa shi gwiiyimati osho wo N$15,000 kwaandhoka nee dhiiyimati.
Comments
