OSHIWAMBO -
| 2013-08-06Omulumentu omugundjuka ta tamanekwa shi na sha nedhipago lyaMona Potgieter
OMULUMENTU omunamimvo omilongo mbali nandatu (23) okwa kundanekwa a holokele komeho gompangu lwotango shi na sha nedhipago lyomukiintu ngoka omudhimba gwe gwa li gwa adhika megumbo lye mOvenduka kuyele oshiwike sha zi ko. Omutamanekwa Donovan Bostander okwa kundanwa a tulilwe miipandeko Etitatu lyoshiwike sha zi ko nokwa holokele komeho gompangu yamangestrata gwaVenduka moKatutura mEtitano molwiipotha yedhipago nokuyuga kwa homatiwa.
Omudhimba gwaMona Potgieter ogwa adhikile gwa patelwa mondunda ye yokulala moWanaheda mOvenduka tuu moka konima yomasiku gane sho aantu ya li ye mu ihulu a li e na omwenyo. Omupopiliko gwopolisi Chief Inspekta Kauna Shikwambi mEtitano lya zi ko okwa ti omakonakono ga ningilwa omudhimba gwaPotgieter ogu ulike kutya okwa mana oondjenda dhe molwoshimpwininika shaashi okwa li a tulwa oplastika.
Bostander ota tamanekelwa edhipago lyaPotgieter mo25 Juli, esiku olyo tuu ndyoka a monikile lwahugunina e li momwenyo noku mu yuga nee ngaaka oselefona ye noolinga mbali dhoshingoli. Uuthemba we wokukalelwapo paveta okwe wu fatululilwa nawa kumangestrata Conchita Olivier. Okwa ti otaka gandja elombwelo komukalelipo gwopaveta ngoka yemwene a hala e mu kalelepo. Bostander okwa kundanekwa a shunwa natango mokakuma noshipotha she oshu undulilwa komasiku 5 Novomba opo omakonakono ga gwedhwa po moshipotha shika ga pwe nawa nokugandja wo ethimbo lya gwana kuBostander a tule nawa pehala shi na nokukalelwapo kwe kwopaveta.
Omudhimba gwaMona Potgieter ogwa adhikile gwa patelwa mondunda ye yokulala moWanaheda mOvenduka tuu moka konima yomasiku gane sho aantu ya li ye mu ihulu a li e na omwenyo. Omupopiliko gwopolisi Chief Inspekta Kauna Shikwambi mEtitano lya zi ko okwa ti omakonakono ga ningilwa omudhimba gwaPotgieter ogu ulike kutya okwa mana oondjenda dhe molwoshimpwininika shaashi okwa li a tulwa oplastika.
Bostander ota tamanekelwa edhipago lyaPotgieter mo25 Juli, esiku olyo tuu ndyoka a monikile lwahugunina e li momwenyo noku mu yuga nee ngaaka oselefona ye noolinga mbali dhoshingoli. Uuthemba we wokukalelwapo paveta okwe wu fatululilwa nawa kumangestrata Conchita Olivier. Okwa ti otaka gandja elombwelo komukalelipo gwopaveta ngoka yemwene a hala e mu kalelepo. Bostander okwa kundanekwa a shunwa natango mokakuma noshipotha she oshu undulilwa komasiku 5 Novomba opo omakonakono ga gwedhwa po moshipotha shika ga pwe nawa nokugandja wo ethimbo lya gwana kuBostander a tule nawa pehala shi na nokukalelwapo kwe kwopaveta.
