OSHIWAMBO -
| 2013-07-29Namakalu a hulithila kOvenduka
Oswald Shivute
OMUNAMBELEWA omukuluntupitithi gwondoolopa yOutapi mOmbalantu moshitopolwa shaMusati tate Oswin Namakalu okwa mana oondjenda dhe moshipangelo shaKatoolika mOvenduka omutenya gwEtine lyoshiwike sha zi ko sho a hakukilwa komukithi, taku tiwa kutya okwa li ta ti oku uvite montulo.
Meya gwondoolopa yOutapi tate Matheus Ndeshitila ngoka a koleke eso lyatate Namakalu koshifo shika, okwa ti kutya nakusa tate Namakalu okwa li ta ti oku uvite ontulo na otashi vulika pamwe oyo ye mu faalele.
Tate Ndeshitila ta ti oya kanitha omunambelewa omukuluntupitithi a li omunandjungu miilonga. Ta ti oye naanaa a humitha komeho ondoolopa yOutapi nawa ngawo okuza sho ya totwa po, unene okuza momumvo 2001 sho a langekwa a ninge omunambelewa omukuluntupitithi gwondoolopa ndjika yOutapi. Tate Ndeshitila ta ti nakusa Namakalu oye omunambelewa omukuluntupitithi gwondoolopa ndjika yOutapi. Ooprojeka odhindji dhehumithokomeho lyondoolopa yOutapi odhe enda komapepe ganakusa Namakalu. “ Omumati okwa li ta longo lela nokwa humitha komeho ondoolopa yOutapi ndele te yi tula pomuthika mpoka yi li nena. Onkene omwaka ngoka a thiga po otagu kala omudhigu oku udhitha,” tate Ndeshitila ta ti ngawo. Nakusa Namakalu, ngoka omukalimo gwomomukunda Okafakoushongo popepi nOmahene mOmbalantu moshitopolwa shaMusati, okwa thiga ko omukulukadhi gwe meme Asteria Namakalu nosho wo aanonoa yawo.
Tate Ndeshitila ota ti omalongekidho gefumviko oge li metifa nesiku lyefumviko lye otali ka tseyithwa komeho. Oshifo shetu otashi gandja omahekelo koonakuthigwapo atuheni.
Meya gwondoolopa yOutapi tate Matheus Ndeshitila ngoka a koleke eso lyatate Namakalu koshifo shika, okwa ti kutya nakusa tate Namakalu okwa li ta ti oku uvite ontulo na otashi vulika pamwe oyo ye mu faalele.
Tate Ndeshitila ta ti oya kanitha omunambelewa omukuluntupitithi a li omunandjungu miilonga. Ta ti oye naanaa a humitha komeho ondoolopa yOutapi nawa ngawo okuza sho ya totwa po, unene okuza momumvo 2001 sho a langekwa a ninge omunambelewa omukuluntupitithi gwondoolopa ndjika yOutapi. Tate Ndeshitila ta ti nakusa Namakalu oye omunambelewa omukuluntupitithi gwondoolopa ndjika yOutapi. Ooprojeka odhindji dhehumithokomeho lyondoolopa yOutapi odhe enda komapepe ganakusa Namakalu. “ Omumati okwa li ta longo lela nokwa humitha komeho ondoolopa yOutapi ndele te yi tula pomuthika mpoka yi li nena. Onkene omwaka ngoka a thiga po otagu kala omudhigu oku udhitha,” tate Ndeshitila ta ti ngawo. Nakusa Namakalu, ngoka omukalimo gwomomukunda Okafakoushongo popepi nOmahene mOmbalantu moshitopolwa shaMusati, okwa thiga ko omukulukadhi gwe meme Asteria Namakalu nosho wo aanonoa yawo.
Tate Ndeshitila ota ti omalongekidho gefumviko oge li metifa nesiku lyefumviko lye otali ka tseyithwa komeho. Oshifo shetu otashi gandja omahekelo koonakuthigwapo atuheni.
