OSHIWAMBO -
| 2013-07-24Kwa katukwa onkatu ombwaanawa yelongo koshitopolwa shErongo hoka
KA shi shi nando oshipu okwi itaala kutya omulumentu gwomukokele ngoka ha kala ashike a zala ekalanyana esiku kehe ta longo iilonga ye yekalekopo lyiinima yaakalimo yamwe hoka osho wo yaanangeshefa mepandaanda lyedhina Libertina Amathila mOshiwakopo uule woomvula omilongo ndatu ngashingeyi dha pita po oye e li omudhaninkandangala metotepo lyoshiketha shelongo shoshimaliwa shi thike pooN$600,000 shokoshitopolwa shErongo.
Omulumentu ta popiwa e eta po edhiladhilo ndyoka lya simana lela oye Gideon Itewa ngoka a li a pewa esimaneko pethimbo lyokutula miilonga pambelewa lyoshiketha shoka shelongo koshitopolwa shoka mEtitano owala ndika twa zi. Oshituthi shoka kw akundanekwa sha li sha kalwa kookaansela yomalelo gondoloopa, oongoloneya yiitopolwa, aanambelewa okuza koshikondo shelongo, aanangeshefa osha li sha popithwa wo komukokolipresidende Sam Shafiishuna Nujoma ngoka wo kwa kundanekwa oye a li u ulikwa a ninge kuume koshiketha shoka.
Itewa okwa lombwele oshifo shoThe Namibian kutya okwa hala ooskola dhomoshitopolwa shErongo dhi kale odho dhingi moNamibia. Omimvo ndatu dha piti po ooskola dhomErongo odha adha lela omasindano momakonakono ongele ogondondo ontimulongo osho wo gondondo ontimulongo nontiyali. “Natu kaleni nee owala mpoka”, Itewa a tumbula ngaaka omanga a li pushimwe shomiitaafula yaasimanintu a zala omutsuhu (oshuta) notaye. Momumvo 2010, Itewa okwa li a ningi ekwatathano naataleli yiikandjo yelongo moshitopolwa shoka ngaashi Clementine Garises osho wo Angeline Steenkamp nedhiladhilo lye ndyoka opo pu totwe oshiketha shiimaliwa okukwathela mboka ya hala oku ki ilongela uulongiskola.
Edhiladhilo ndika anuwa olya li lya tamekwa pooskola moshitopolwa shoka niituthi yegongelo lyiimaliwa oya li ya ningwa ngaashi aanaskola ya li haya yi omasiku galwe yaa li momuzalo gwoskola nokufuta nee oshimaliwa shi thike podola yimwe nenge mbali opo ya vule okukala ombinga yiituthi mbyoka yegongelo lyiimaliwa yoshiketha shoka. Iimaliwa oya gongelwa noya kala hayi tulwa koakaunda kehe omwedhi.
Omumvo nguno oshiketha okwa kundanekwa shi na oshimaliwa shi thike N$154,000 shono oshikondo shelongo moshitopolwa shEronge she shi ndambula sigo opooN$308,000 omanga inaa shi ka patululwa nee ngaaka pambelewa mEtitano lya zi ko.
Omuwiliki gwelongo moshitopolwa shoka John Awaseb okwa ti elalakano lyoshiketha shoka shoshimaliwa okumona aalongiskola yoondondo dhopevi osho yiilongwa ngaashi uunongononi osho wo omwaalu. Oshiketha osho tuu shoka Awaseb okwa kundanekwa a ti wo otashi ka kwathela wo aalongwa yondondo ontimulongo osho wo yondondo ontimulongo nontiyali mboka ya za lela miigwana nomomagumbo ngoka ga nika lela oluhepo opo ya ye kooskola ndhoka hadhi she enditha nawa melongo.
Oshituthi shoka osha li wo sha longithwa okugongela oshimaliwa nakuume koshiketha shoka shiimaliwa osha li sha pewa oshimaliwa shooN$5,000 okuza komukokolipresiende Sam Shafiishuna Nujoma nokwa gandja wo natango peha lyomunangeshefa omuNamibia konduko Frans Aupa Indongo. Pehulilo lyoshituthi shoka oohandimwe naangeshefa oya gandja okashona hoka ya li ye na po noshimaliwa osha thiki sigo N$600,000. Opu ulikilwe wo okakomitiye moka Itewa u ulikwa a ninge omupevinashipundi gwako.
“Ngame ohandi longo oshilonga lumwe meukililo, itatu vulu okutegelela minista. Otu na ashike oku shi ninga tse yene ashike inandi tegelela okulongelwa uuwanawa wontumba andola nenge wongandi konima yoshilonga shika. Onda hala ooskola dhomErongo dhi kale monomola yotango”, tate gwaanona yatano ngono kwa hokololwa nokuli hoka okankelo taka mana ondondo ontimulongo nontiyali nuumvo osho a yelitha ngaaka.
Omulumentu ta popiwa e eta po edhiladhilo ndyoka lya simana lela oye Gideon Itewa ngoka a li a pewa esimaneko pethimbo lyokutula miilonga pambelewa lyoshiketha shoka shelongo koshitopolwa shoka mEtitano owala ndika twa zi. Oshituthi shoka kw akundanekwa sha li sha kalwa kookaansela yomalelo gondoloopa, oongoloneya yiitopolwa, aanambelewa okuza koshikondo shelongo, aanangeshefa osha li sha popithwa wo komukokolipresidende Sam Shafiishuna Nujoma ngoka wo kwa kundanekwa oye a li u ulikwa a ninge kuume koshiketha shoka.
Itewa okwa lombwele oshifo shoThe Namibian kutya okwa hala ooskola dhomoshitopolwa shErongo dhi kale odho dhingi moNamibia. Omimvo ndatu dha piti po ooskola dhomErongo odha adha lela omasindano momakonakono ongele ogondondo ontimulongo osho wo gondondo ontimulongo nontiyali. “Natu kaleni nee owala mpoka”, Itewa a tumbula ngaaka omanga a li pushimwe shomiitaafula yaasimanintu a zala omutsuhu (oshuta) notaye. Momumvo 2010, Itewa okwa li a ningi ekwatathano naataleli yiikandjo yelongo moshitopolwa shoka ngaashi Clementine Garises osho wo Angeline Steenkamp nedhiladhilo lye ndyoka opo pu totwe oshiketha shiimaliwa okukwathela mboka ya hala oku ki ilongela uulongiskola.
Edhiladhilo ndika anuwa olya li lya tamekwa pooskola moshitopolwa shoka niituthi yegongelo lyiimaliwa oya li ya ningwa ngaashi aanaskola ya li haya yi omasiku galwe yaa li momuzalo gwoskola nokufuta nee oshimaliwa shi thike podola yimwe nenge mbali opo ya vule okukala ombinga yiituthi mbyoka yegongelo lyiimaliwa yoshiketha shoka. Iimaliwa oya gongelwa noya kala hayi tulwa koakaunda kehe omwedhi.
Omumvo nguno oshiketha okwa kundanekwa shi na oshimaliwa shi thike N$154,000 shono oshikondo shelongo moshitopolwa shEronge she shi ndambula sigo opooN$308,000 omanga inaa shi ka patululwa nee ngaaka pambelewa mEtitano lya zi ko.
Omuwiliki gwelongo moshitopolwa shoka John Awaseb okwa ti elalakano lyoshiketha shoka shoshimaliwa okumona aalongiskola yoondondo dhopevi osho yiilongwa ngaashi uunongononi osho wo omwaalu. Oshiketha osho tuu shoka Awaseb okwa kundanekwa a ti wo otashi ka kwathela wo aalongwa yondondo ontimulongo osho wo yondondo ontimulongo nontiyali mboka ya za lela miigwana nomomagumbo ngoka ga nika lela oluhepo opo ya ye kooskola ndhoka hadhi she enditha nawa melongo.
Oshituthi shoka osha li wo sha longithwa okugongela oshimaliwa nakuume koshiketha shoka shiimaliwa osha li sha pewa oshimaliwa shooN$5,000 okuza komukokolipresiende Sam Shafiishuna Nujoma nokwa gandja wo natango peha lyomunangeshefa omuNamibia konduko Frans Aupa Indongo. Pehulilo lyoshituthi shoka oohandimwe naangeshefa oya gandja okashona hoka ya li ye na po noshimaliwa osha thiki sigo N$600,000. Opu ulikilwe wo okakomitiye moka Itewa u ulikwa a ninge omupevinashipundi gwako.
“Ngame ohandi longo oshilonga lumwe meukililo, itatu vulu okutegelela minista. Otu na ashike oku shi ninga tse yene ashike inandi tegelela okulongelwa uuwanawa wontumba andola nenge wongandi konima yoshilonga shika. Onda hala ooskola dhomErongo dhi kale monomola yotango”, tate gwaanona yatano ngono kwa hokololwa nokuli hoka okankelo taka mana ondondo ontimulongo nontiyali nuumvo osho a yelitha ngaaka.
