OSHIWAMBO -
| 2013-07-24Ooplastika odha nika oshiponga kiimuna, Ben Amathila a ti
Ohadhi dhipaga iimuna
OMUNASHIPUNDI gwokangundu ke na sha nemona, onzo nayilwe oku ulike sha yela kutya ooplastika odha nika lela oshiponga kiimuna unene tuu koongombe.
Ben Amathila okwa popi ndhoka omanga a li ta popitha posenda yedina Oshawapala moshitopolwa shaHangwena moshitopolwahogololo shEndola pethimbo okakomitiye kawo hoka ka li metalelopo lyako lyomasiku ge li gane koshitopolwa shoka okukwatathana noshigwana osho wo nomalelo shi na sha nonkalo yondjala naashika osha li nee sha ningwa mEtine lyoshiwike twa zi.
Amathila okwa ti ngaashi naanaa kiitopolwa yilwe moshilongo osenda yOshawapala nayo oyi li muupyakadhi wooplastika nayilwe ya longwa moopalstika unene tuu oondjato dhopalstika ndhoka dhi li momudhingoloko ngoka nodhi li lela dha nika oshiponga kiimuna.
“Oplastika oya nika oshiponga nohayi dhipaga ashike lumwe oshimuna ngele oye yi nina unene tuu pethimbo ndika lyuunapelo waa li naanaa nawa molwonkalo yondjala ndjoka ya taalelwa koshilongo omumvo nguka”, omusimanekwa Ben Amathila a lombwele oshigwana shopOshawapala nomidhingoloko dhopopepi ngawo.
Ben Amathila okwi indile wo oshigwana pOshawapala sho opaleke omidhingoloko mpoka sha kala. “Ningii po sha ngashingeyi opo mu yande iimuna yeni yaa se”, Ben Amathila e ya pe omayele ngawo. Aakalimo yamwe yaampoka oya li ya tsu kumwe naashoka sha popiwa komusimanekwa Ben Amathila noye mu uvaneke kutya otaya ka ya miikonga yokwoopaleka opo ku monike kutya oondjato dha longwa mooplastika odha kuthwa mo momidhingoloko dhawo nokuhanagulwapo.
Omukulukadhi gwomukokele pethimbo ya li moonkundathana nokakomitiye hoka ka li ka kwatelwa komeho kuBen Amathila okwa dhimbulukwa wo nawa nkene ongombe ye yimwe ya li ya si noya adhika nee oshikutu osho wo ongaku mepunda lyawo. Okakomitiye hoka oka tamekele etalelopo lyako mEtiyali nokumana nee mEtine oshiwike sha zi ko.
Amathila okwa ti ngaashi naanaa kiitopolwa yilwe moshilongo osenda yOshawapala nayo oyi li muupyakadhi wooplastika nayilwe ya longwa moopalstika unene tuu oondjato dhopalstika ndhoka dhi li momudhingoloko ngoka nodhi li lela dha nika oshiponga kiimuna.
“Oplastika oya nika oshiponga nohayi dhipaga ashike lumwe oshimuna ngele oye yi nina unene tuu pethimbo ndika lyuunapelo waa li naanaa nawa molwonkalo yondjala ndjoka ya taalelwa koshilongo omumvo nguka”, omusimanekwa Ben Amathila a lombwele oshigwana shopOshawapala nomidhingoloko dhopopepi ngawo.
Ben Amathila okwi indile wo oshigwana pOshawapala sho opaleke omidhingoloko mpoka sha kala. “Ningii po sha ngashingeyi opo mu yande iimuna yeni yaa se”, Ben Amathila e ya pe omayele ngawo. Aakalimo yamwe yaampoka oya li ya tsu kumwe naashoka sha popiwa komusimanekwa Ben Amathila noye mu uvaneke kutya otaya ka ya miikonga yokwoopaleka opo ku monike kutya oondjato dha longwa mooplastika odha kuthwa mo momidhingoloko dhawo nokuhanagulwapo.
Omukulukadhi gwomukokele pethimbo ya li moonkundathana nokakomitiye hoka ka li ka kwatelwa komeho kuBen Amathila okwa dhimbulukwa wo nawa nkene ongombe ye yimwe ya li ya si noya adhika nee oshikutu osho wo ongaku mepunda lyawo. Okakomitiye hoka oka tamekele etalelopo lyako mEtiyali nokumana nee mEtine oshiwike sha zi ko.
