OSHIWAMBO -
| 2013-07-24Ngashingeyi omeya otage ende nawa poWindhoek Central Hospital
Yi ipyakidhila natango
AAVU osho wo aatalelipo poshWindhoek Central Hospital okwa kundanekwa ya nyanyukilwa ngaa nee oonkambadhala ndhoka dha ningwa po sho omeya ga tameke okwe enda nawa ngaashi shito mEtitano lya zi ko.
Oshifo shoThe Namibian osha tseyithilwa kutya omupresidende Hifikepunye Pohamba okwa gandja elombwelo lyosheendelela opo ku pitikwe oshimaliwa shi thike poomiliona N$5 shi longithwe okwoopaleka ominino ndhoka kwa kundanekelwe dha topele poshipangelo shoka. Ominista yiinima ya pamba ombelewa yomupresidende gwoshilongo Albert Kawana ina koleka elombwelo ndyoka kwa kundanwa lya gandjwa omanga ominista yoshikondo shuuhaku niilonga yopankalonawa Richard Kamwi a ti ke shi sha kombinga yelombwelo ndyoka taku popiwa lya gandjwa komupresidende Hifikepunye Pohamba. “Opo ashike nda galukile mo mombelewa nonda kala handi kala niigongi oyindji. Ka nda li po ashike onda kuthilwa ngaa kashona kutya omeya ngashingeyi otage ende ashike oomiliona N$5 inadhi tumbulwa sho nda kuthilwa ko ngaaka”, minista Kamwi a ti ngaaka.
Oshifo shoThe Namibian osha lopotele oshiwike sha zi ko kutya osenda yuuhaku ndjoka yi li onene moshilongo oya kala tayi longo lela nuudhigu sho ya kala yaa na omeya nkene ngaa omunino gwa topele oshiwike sha zi ko. Aavu yamwe po okwa kundanekelwe ya kala inaayi iyoga omasiku gontumba niitandelo yimwe po oya kala ya patwa. Oondohotola dhimwe po nadho odha li wo dhu ulike dha shu uvitile nawa shaashi anuwa ohashi ningwa olundji poshipangelo mpoka. Omuvu gumwe ngoka kwa kundanekwa a kala moombete uule wiiwike itatu ya piti po okwa li u ulike lela enyanyu sho omeya ga tameke natango okwe enda nawa ngaashi shito. “Onda kala mo iiwike itatu nagshingeyi, ashike oshiwike sha zi ko osha li sheipyakidhilo, unene tuu kungame ngu omukiintu ngele onda kala inaandi iyoga”, omuvu osho a yelitha ngawo.
Omupopiliko guuministeli wuuhaku niilonga yonkalonawa okwa kala ashike a thikama mwaandhoka a tile kutya ka mwa li uupyakadhi womeya moshipangelo ashike okwa gwedha po ngaa nee kutya omeya oga tameka natango okwe enda mEtitano lya zi ko. Sho oshifo shoThe Namibian sha talelepo ehala mpoka pwa li pwa topa omunino opwa li tapu monika natango aaniilonga yi ipyakidhila okwoopaleka ominino nonando nee omeya oga li ga tameka nale okwe enda moshipangelo.
Oshifo shoThe Namibian osha lopotele oshiwike sha zi ko kutya osenda yuuhaku ndjoka yi li onene moshilongo oya kala tayi longo lela nuudhigu sho ya kala yaa na omeya nkene ngaa omunino gwa topele oshiwike sha zi ko. Aavu yamwe po okwa kundanekelwe ya kala inaayi iyoga omasiku gontumba niitandelo yimwe po oya kala ya patwa. Oondohotola dhimwe po nadho odha li wo dhu ulike dha shu uvitile nawa shaashi anuwa ohashi ningwa olundji poshipangelo mpoka. Omuvu gumwe ngoka kwa kundanekwa a kala moombete uule wiiwike itatu ya piti po okwa li u ulike lela enyanyu sho omeya ga tameke natango okwe enda nawa ngaashi shito. “Onda kala mo iiwike itatu nagshingeyi, ashike oshiwike sha zi ko osha li sheipyakidhilo, unene tuu kungame ngu omukiintu ngele onda kala inaandi iyoga”, omuvu osho a yelitha ngawo.
Omupopiliko guuministeli wuuhaku niilonga yonkalonawa okwa kala ashike a thikama mwaandhoka a tile kutya ka mwa li uupyakadhi womeya moshipangelo ashike okwa gwedha po ngaa nee kutya omeya oga tameka natango okwe enda mEtitano lya zi ko. Sho oshifo shoThe Namibian sha talelepo ehala mpoka pwa li pwa topa omunino opwa li tapu monika natango aaniilonga yi ipyakidhila okwoopaleka ominino nonando nee omeya oga li ga tameka nale okwe enda moshipangelo.
