Iiponga yiiyenditho iishona ya ningwa muumbangalantu

OPOLISI moshitopolwa shaShana oya lopota ashike eso limwe lyeetwa koshiponga sho sheenditho pokati koKrisimesa nOmumvo omupe moshitopolwa shoka.

Omugandjimalombwelo ta kwathele moshitopolwa shoka Chief Inspector, Karl Theron okwa ti  omwaalu gwiiponga gu li pevi  ogwa etwa kelongelokumwe ewanawa pokati kopolisi noshigwana. Okwa miiponga yimwe aantu yamwe oya ehamekelwa mo, ndele eso omolwa oshiponga oondyoka ashike lyokamatyona hoka ka li ka pumwa kosheenditho Palopota yoshiketha shokukwatha mboka ya ehamekelwa miiponga yiihauto nenge MVA Fund, aantu yaali oya sile miiponga moshitopolwa shaHangwena nayaali moshitopolwa shOmusati pethimbo lyefudho komumvo omumvo 2011. Omanga oshitopolwa sha Shikoto kuumbangalantu womusinda omutiligane omwa li iiponga iishona nenge omwali mwa mwena kombinga yiiponga.
MVA Fund oya ti shika otashi kutmitha okushi talela komiyalu ominene dhiiyemnditho mbyoka ya li yiinyenge miitopolwa nomoondolopa Oshakati, Ondangwa, nOngwediva pethimbo lyefudho. Pethimbo ndyoka lyefudho iiyenditho miitopolwa mbyoka oya li mo oyindji noshowo miilando mbyoka shika osha li woo sha fala mpoka kutya omahala gamwe gokunwetha omahooli ngaashi mondoolopa yaNdangwa oga mana po omahooli unene ngoka gaziza.

---