Ekondo nelaka lyeehameke aanafaalama

ENGAMBEKO meinyengo lyiimuna okuza moofaalama 200 dhopaipindi noshowo dhomomahala gaayehe, olyo oshinima oshidhigu kuyo.Aanawino yiimuna oya ti aanangombe mboka ya li ya tegelela okumona iiyemo mokulanditha iimuna yawo poofanditha dhayooloka dhiinamwenyo oya gumwa nayi koondjikila ndhika.

Otaku tiwa  aanafaalama yokomikunda oya mona iihuna oshoka omahupilo gawo pashimaliwa kage li nawa, omolwa engambeko lyomainyengo giinamwenyo. Oongombe odhindji ndhoka ha landithwa poofanditha dhiinamwenyo ohadhi zi momahala gaayehe. Otaku hokololwa kutya aanafaalama yamwe inaya vula okufutila oofuto dhomanongelo gaanona yawo oshoka ina ya landitha iimuna moka omo haya mono iiyemo.
Olundji omalanditho giimuna oga tulwa mokalindeli omumvo aguhe.Aalandithi yiinamwenyo oya ti mOtjiwarongo nOshaanda iimuna oyindji oha yi zi moofaalama ndhoka dha ningilwa oondjindikila.
 Konyala oongombe omathele 800 ohadhi zi moofaalama ndhika.Okwa tengenekwa kutya ngele engambeko ndika olya kala uule wethimbo nena iinamwenyo oyindji itayi ka landithwapo we.
Aanafaalama ota ku tiwa ota ya kanitha oshindji omolwa oondjindikila ndhika.Engambeko meinyengo lyiinamwenyo olya li lya tulwa miilonga konima sho  kwa monika oonyati mbali mAuguste.

---