Omahogololo mu Guinea Bissau

BISSAU – Omahogololo gOpaupresidende oga tameke Guiniea Bissau mOsoondaha na aakondindate oonene dhu uvaneka kutya otadhi ka eta onkaloanwa ombili moshilongo shika, shoka si li shimwe shomiilongo iihepele noonkondo mwAafrika.

Guinea Bissau oshilongo sha kala nokumona iihuna komaumboko gOmapangelo kiipundi. Onkalo ombwiinayi ndjoka yi li moshilongo shika pethimbo ndika,, oya etwa kedhipago lyOmupresidende Joa bBernado Vierra mu Maalitsa nuumvo.
Viera, ngoka a  lela Guinea-Bissau uule woomvula 23, okwa li a dhipagwa kiilyo yEtanga lyEgameno momasiku 2 ga Maalitsa, mboka ya li aniwa yu uvitile nayi edhipago lyOndajayi yawo Batisa Tagme Na Waie, moshiponga shetopo lyomboma.
Momahogololo ngaka gOpaupresidende omu na ookandidate dhi li 11 na yatatu yomuyo oya li koshipundi shUupresidende. Gumwe omutine (a li naye Omupresidende) okwa zi mo momahogololo konima sho Etanga lyEgameno lya dhipaga aanapolitika aakuluntu yaali momasiku 5 ga June – konima sho sha pwa holoka omapopyo kutya oya li ya hala okuumba ko Epangelo koshipundi.
Ngoka kwa talika ka ta sindana momahogololo ngaka omusamane Malam Bacai Sanha, ngoka a li Omupresidende gwopakathimbo okuza mu June 1999 sigo Mei 2000 na oku li okandidate kopaati yo Africa Party for the Inependence of Guinea and Cape Verde )PAIGC).
Opaati ndjika oyo yi na iipundi oyindji mOparlaimende ya Guinea-Bissau, yi li 67 yomiipundi 100 yOmegumbo ndika lyOpashigwana.
- Nampa-Sapa

---