Etulomiilonga pambelewa lyOprograma Family Literacy puKooma Primary School

By: OSWALD SHIVUTE

O MUUNGANEKI gwElongo lyAakuluntu mOshikandjohogololo sha Shikuku, Matheus Gabriel, okwa lombwela Oshifo shika kutya Oprograma yedhina Family Literacy, ndjoka yi na sha nelongo lyuunona kaakuluntu yawo, ndjoka ya etwa mUuministeli wElongo omathimbo ga zi ko, oya tulilwe miilonga pambelewa pOsikola yaanona ya Kooma mOshikandjolongo sha Elim omasiku ga zi ko.

Ta ti shika osha ningilwe nee kOmutaleli gwElongo mOshikandjo shoka

tate Hans Nghixulifwa.

Tate Gabriel ta ti ngashi naana Epangelo tali lalakanene

okwaadha ondjodhithaneko lyayo yokomumvo 2030, Uuministeli wElongo

owa kambadhala okweeta po Oprograma ndjoka tayi kwatakanitha

omuvali, okanona nosikola.

 

Ta ti Oprograma ndjika oya etwa po okupukulula aavali nenge

aatekuli yuunona wondondo yotango (Grade one), nkene ye na

okupukulula nokukwatha aanona miithigilwalonga (home work)

nomiilonga kehe yosikola.

 

Opo Oprograma ndjika yi tulwe miilonga, okwa dhidhilikwa kutya

endopo enene lyondondo ontimulongo nosho wo ontimulongonontiyali,

ohali etwa molwaanona inaa mona omapukululo ga gwana petameko.

 

Tate Gabriel ta tsikile ko ta ti kutya omumvo gwa zi ko, okwa

ningilwe omalolelo mIitopolwa ayihe yoshilongo yi li 13 opo

kutalike ngele Oprograma ndjika otayi longo tuu, niizemo oya ulika

kutya Oprograma ndjika otayi kwathele noonkondo.

 

Gabriel ta yelitha kutya nuumvo Oshitopolwa kehe osha pewa

oosikola ndatu okutamekitha.

 

Osikola yaanona ya Kooma mOshitopolwa sha Musati, oya li nee ya

egululilwa pambelewa ootundipukululo ndhika momasiku 25 Januali

2006.

 

Tate Nghixulifwa ta tsu aavali omukumo opo yi itule mo noonkondo

oshoka ootundi ndhika otadhi kakwata ashike uule woomwedhi

ndatu.

 

Moshigongi shika omwa li wo Kansola gwOshikandjohogololo sha

Shikuku tate Peter Endjambi, ngoka nonando a li mefudho, a taamba

ko ehiyo koshiithanene shika, a kale ombangi mushoka sha ningwa po

noku shi popitha.

 

Okwa pandula wo naye ayehe taya kutha ombinga momalongekidho ge

na sha nOprograma ndjika.

 

Unene a pandula Omuunganeki gwElongo lyAakuluntu

mOshikandjohogololo sha Shikuku tate Matheus Gabriel molu eitulomo

lye miilonga ye mbyoka.

 

Ta pandula wo noonkondo aavali noku ya tsa omukumo.

 

Oshigongi-egululo lyOprograma ndjika pambelewa pOsikola yaanona

yaKooma mpoka, osha li wo sha kalwa kaalongisikola yamwe yopuKooma

noshowo iilyo yEtonatelosikola mboka wo ya gandja omukumo nolupandu

kEpangelo nokoonkembdahala adhihe tadhi ningwa po.

 

Tate Gabriel ta ti ngashi naana Epangelo tali lalakanene okwaadha

ondjodhithaneko lyayo yokomumvo 2030, Uuministeli wElongo owa

kambadhala okweeta po Oprograma ndjoka tayi kwatakanitha omuvali,

okanona nosikola.Ta ti Oprograma ndjika oya etwa po okupukulula

aavali nenge aatekuli yuunona wondondo yotango (Grade one), nkene

ye na okupukulula nokukwatha aanona miithigilwalonga (home work)

nomiilonga kehe yosikola.Opo Oprograma ndjika yi tulwe miilonga,

okwa dhidhilikwa kutya endopo enene lyondondo ontimulongo nosho wo

ontimulongonontiyali, ohali etwa molwaanona inaa mona omapukululo

ga gwana petameko.Tate Gabriel ta tsikile ko ta ti kutya omumvo gwa

zi ko, okwa ningilwe omalolelo mIitopolwa ayihe yoshilongo yi li 13

opo kutalike ngele Oprograma ndjika otayi longo tuu, niizemo oya

ulika kutya Oprograma ndjika otayi kwathele noonkondo.Gabriel ta

yelitha kutya nuumvo Oshitopolwa kehe osha pewa oosikola ndatu

okutamekitha.Osikola yaanona ya Kooma mOshitopolwa sha Musati, oya

li nee ya egululilwa pambelewa ootundipukululo ndhika momasiku 25

Januali 2006.Tate Nghixulifwa ta tsu aavali omukumo opo yi itule mo

noonkondo oshoka ootundi ndhika otadhi kakwata ashike uule

woomwedhi ndatu.Moshigongi shika omwa li wo Kansola

gwOshikandjohogololo sha Shikuku tate Peter Endjambi, ngoka nonando

a li mefudho, a taamba ko ehiyo koshiithanene shika, a kale ombangi

mushoka sha ningwa po noku shi popitha.Okwa pandula wo naye ayehe

taya kutha ombinga momalongekidho ge na sha nOprograma ndjika.Unene

a pandula Omuunganeki gwElongo lyAakuluntu mOshikandjohogololo sha

Shikuku tate Matheus Gabriel molu eitulomo lye miilonga ye

mbyoka.Ta pandula wo noonkondo aavali noku ya tsa

omukumo.Oshigongi-egululo lyOprograma ndjika pambelewa pOsikola

yaanona yaKooma mpoka, osha li wo sha kalwa kaalongisikola yamwe

yopuKooma noshowo iilyo yEtonatelosikola mboka wo ya gandja omukumo

nolupandu kEpangelo nokoonkembdahala adhihe tadhi ningwa po.

---